قصيدة ادمنت حبك
ادمنت..حبك كيف ابصبر بلياك
ادمنت..حبك كيف ابصبر بدونك
وشلون ابقضي باقي العمر وانساك
لا قلت ابنسى ذكرتني طعونك
حاولت ابنسى كل ما صار وياك
انسى عيونك واتذكر لحونك
اذكر تجي لا شتقت ما تحسب خطاك
مهما حصل من بعد دوني ودونك
تفرح الا من قلت لك وين ابلقاك
ومن الفرح تزداد روعة جنونك
قلبي الا من غبت لحظه تباطاك
واليا سألتك حرص هلت مزونك
واذا بغيت اوصف واعدد مزاياك
ما تنحصر مابين شكلك ولونك
اسهر على شانك..ولجلك..ولرضاك
وانت السهر ما يوم عذب جفونك
اشيل همك واتجاهل خطاياك
لجل المحبه لازم اني اصونك
واليوم مات الشوق من بعد فرقاك
ماتت امانينا وزادت شجونك
يكفي اعيش بدنيتي لجل ذكراك
انسى حياتي بس ما نسى عيونك
وادمنت ثم ادمنت شوفك ولا ماك
ياكيف ابنسى وانت هذي طعونك