قصيده لازم ارحل

قصيدة لازم ارحل
لازم ارحل . . دام ليل العيد ضاع سراجه
والأمل غادي . . ونور الصبح ما صالحني
والفرج . . من دون صرحه . . قافلٍ مزلاجه
والصبر مفقود . . ورياح العتب تلفحني
والفرح نادى بتكشيره . . وصك حجاجه
كم بغيت آمازحه . . لكنّ ما مازحني
يقترب . . لكنَّ لا قرَّب . . يعود ادراجه
ولا غلط في العمر لو مرة . . وجا وافرحني
عشت انا وياه . . لا نبعد . . ولا نتواجه
حلم عمري يسكن ارجائي . . ولا يبرحني
لين صار يخيفني مثل البحر . . وامواجه
ولين صرت اخطي . . ليا مني بغيت اشرحني
ولين صرت بوضع . . صعب اقفز محيط سياجه
مفرداته من وريدي . . والنغم من لحني
قلبي اللي ما عرف مدخاله . . ومخراجه
حالفٍ لعذِّبه . . ما دام ما ريحني
طيبته متناثره من موجته . . لابراجه
كلما اخفي شيّ . . بعيون العرب يفضحني
وإنت يا اللي قلبك مخالفني . . بْمنهاجه
إجمع اوجاعي . . ومن ليلة هَناك إطرحني
وإضحك لوجه الزمن . . لو لمّعه . . مكياجه
واترك امواج القهر تضويني . . وتسْرحني
هاك قلبي وإزعجه . . لا من بغيت ازعاجه
بس اذا لك قلب . . عاتبني . . ولا تجرحني
خَل قلبي يندم بْمسراه . . وبمعراجه
والله إن رْماح جلد الذات . . تبتذبحني
ذنبي إني اْحكي . . ولا اعرف للحكي . . ديباجه
لين هرجي . . عن مشاوير الرضا . . طوحني
صعب أعالج قلبي اللي . . فات وقت عْلاجه
دامني صادق . . بكيفه . . خله يْوضحني
إِعرف إن القلب في غيبتك . . زاد خلاجه
وإن طيفك . . من طلوع النجمه يْصبِّحني
لو يحطون القمر في راحتي . . ما احتاجه
وإنْ خسرتك . . فاُعْتَبَر خسران . . لو اربحني
هذا أناْ راحل . . وقلبي ما خفاك إنتاجه
تعرفه . . من غير لا اصارحك . . وتصارحني
بس قبل ارحل . . تراني طالبك في حاجه
طالبك من طيب نفس . . اعذرني . . وْسامحني



تحياتي

بسووووومه

تسلم ايدك بسمة على القصيدة الرائعة والله لايجيب طاري فراق وبعد بين الاحبه

امين
الله يعطيك العافيه احلى مرور

يعطيكي العافيه بسومه

ويعافيك حبيبتي
يادلوعه المنتدى