لا. عيب هو رجال

بسم الله الرحمن الرحيم ..مسائكم.. صباحكم // خير وسعادة
لا... عيب هو رجال
هذا موضوعي اللي راح اتناقش معاكم فيه
كثير من الناس من يستخدم هذي الكلمة و للأسف ما تكون في محله في بعض الأحيان
مثلا\ تطلب من أخوك أو من زوجك يساعدك في البيت سواء كانت الحاجة له أو لك مستحيل يساعدك
طيب ليه ؟ لأنه رجال
يعني موب عيب ولا هو حرام انه يساعد خواته أو زوجته يغسل ملابسه او يكويهن او يشيل الصحون بعد الاكل او يساعد في المطبخ لا ما يصلح عيب
طيب ليه ؟ لأنه رجال
واذا طلب قهوه او شاهي لازم تصير عنده واذا ما جهزت او تأخرت شوي يقوم الدنيا ولا يقعده احيان الواحد يكون مشغول وموب فاضي لك وش اللي يمنع لو تقوم وتصلح حاجتك بنفسك واذا
قلتله تعال ساعدني في شغله قال لا عيب
طيب ليه ؟ لأنه رجال
انت اكيد انك رجال واصلا اذا ما صرت رجال وش بتصير مثلا مع العلم انه اذا طلع كاشت مع اخوياه يحطهم فوق راسه من كثر ما هو حاشمهم
مع إن الرسول صلى الله عليه وسلم كان يساعد زوجاته ويخدم نفسه بنفسه مع أن عنده خدم وهو الرسول اشرف الناس واذا قلنا وين الاقتداء قالوا هذا الرسول موب حنا طيب الصحابه والتابعين ليش ما قالوا هالكلام مع العلم اذا ساعدت غيرك غيرك بيساعدك والكل يحترمك
سؤالي :
1- ليش الواحد يستعيب انه يعاون اهله ؟
2- وهل هذا ينقص من الرجوله ؟
3- وهل اللي يقول هالكلام ما عنده ثقه في انه رجال ؟
اتنمى اني ما اثقلت عليكم
وتتفاعلون معي واتشرف بردودكم

ايه والله انك صادقه
بس من وجهت نظري انا المراه تستحي تطلب اكثر من الرجال

يعطيك العافيه

تقبلي مروري

في ادوار خاصة بالمراءه يعني يشوفها البعض انها عيب للرجال والعكس للنساء يعني بالله مثلا قد شفت حرمه حاملة الاسطوانة فوق راسها ورايحه لمحل الغاز تعبيها اكيد بتقولو لا عيب هذي حرمه ولا قد شفتو حرمة مع صباح رب العالمين داقه سلف الموتر ورايحه تكدكد في هالشوارع تجيب لقمة عيش لا اولادها طبعا بتقولو لا حرمه عيب

اللي ابي اوصله ان في امور مايقوم فيها الا الحرمه والعكس في امور ما يقوم بها الا الحرمه يعني نحاول نخف ع الرجال شوي ولاتسون فيها انكم مظاليم ونرتقي في الطرح شوي

تحياتي

ايه والله انك صادق

صح كلامك ....وعشاان نرتقي لازم نناقش المواضيع الي تصير في المجتمع

نورتو مشااركتي ...لاخلى ولا عدم