وجودك والعدم واحد

تبي تزعل تبي ترضى .. تبي ترحل تبي تبقى *** على كيفك ترى عادي.. وجودك والعدم واحـد

على كيفك ترى قلبي.. ما عاد بغيبتك يشقى *** تعب من شدة عنادك.. وصـار بعشرتـك زاهـد

تعب من كثرة جروحك.. تعب من طاري الفرقا *** تعب يركض لأجل يرضي غرورك وإنته تعاند

رخص لأجلك عزيز النفس لأجل في عزتك ترقى *** حسب إنه إذا عزك تصيـر لعزتـه شاهـد

حسب إنه إذا شديت وأرخت كفه العرقـا *** تشيـل الموقـف بعينـك وتتـرك طبعـك الجامـد

نسى بأنه مضى وقت المحبـة والسمـا زرقـا *** نسـى بأنـه وقـت اللـزوم العاشـق يعانـد

حسافة كل نبضاته خفوقي انتهت غرقى *** بوسط موجة عنـاد الحـب يمـوت وعاشقـه جاحـد

حسافة انذبح حلمه بعضة نابـك الزرقـا *** كفـر قلبـي بديـن الحـب وكـان بمسجـده عابـد

كره طبع الوفا فيني كره دمعاتي الحرقا *** كـره طبـع الجفـا منـك كـره تجريحـك البـارد

تحرر قلبي من حبك ما عاد بغيبتك يشقى *** ما عاد اللـي مـع طيفـك يـروح ويبتعـد شـارد

تبدل منك أسلوبه إذا جيته ترى تلقى *** صخر قاسـي وسـط صـدري لجيـة حضرتـك قاعـد

على كيفك إذا ترحل.. وعلى كيفك إذا تبقى *** على كيفك ترى عادي.. وجـودك والعـدم واحـد

لـلـشـاعــر (مـحــمــد خــلـــف عــبـــد الله)

تحياتي
بسوووووومه

كلمات عانقت سماء الابداع
كلهاا شموخ وكبرياء..في منتهى الجمال
صح لسان شاعرها وسلمت يمين ونبض احساس ناقلتها

بــــــســــــــــمـــــــــه

شكراً من عمق الوجدان على تلك الكلمات.. وجمال الاطروحات
متفرده دائماً بعطائك المتناثر على رحلات الصفحات
دمت بإطلالتك وشخصك المتميز بالابداعات
لا حُرمنا اشراقتك التي عهدناها متميزة على الدوام
والنيٌره بكل مكان

لروحك جنآئن منَ الياسمين والريحان..

» يالله كل واحد يدخل ويكتب بيت الي يبيه
» كل واحد يقول للي يبي شطر من قصيده
» قصة بنت كانت تطالع واحد بعين قويه