قصيده روعه تبيني صدق

تبيني صدق والا ما تبيني
قبل لا أبهذلك وتبهذليني

وقبل لا أفقد شموخي واحترامي
وقبل لا أشمت العذال فيني

أنا ماني بلعبه في يدينك
متى ما تعشقيني تعشقيني

أبيك ان كان جيتيني حبيبه
تجيني بصدق ولا لا تجيني

أنا ما أجرح مشاعر من عشقني
ولا أرضى لي عشقتك تجرحين

ما دام أني عطيت بكل قلبي
مثل ما عطيك من قلبي عطيني

وإذا بعت العذارى واشتريتك
تبيعين الرجال وتشتريني

عشان أكون صادق لي عشقتك
وعشان أريحك واتريحيني

دخيل الله وقولي وبصراحه
تبيني صدق والا ما تبيني

أنا ما جيت ألعب وتسلا
أنا جيت أحتويك وتحتويني

تبيني مثل كل الناس والا
تبيني أقدرك واتقدريني

مثل ما استحملك لامن زعلتي
إلى مني زعلت استحمليني

عرفتيني وأنا رجال وافي
وأنا وافي قبل لا تعرفيني

أحب الصدق لو هو من عدوي
وأعاف الكذب لو من والديني

مثل ما أقبل بليني وبشموخي
لو أكره رحت بشموخي وليني

إذا عن عاذلي ديني ودينه
وإذا عن غريته دينه وديني

أنا لي ثارت الغيره بقلبي
تقول الجن الأزرق معتريني

أبي وأنتي معي منتي لغيري
وإذا كنتي لغيري جنبيني

أغيب وتذكريني بالحشيمه
ولا أمرح في ذراك وتلعنيني

طويلين الشوارب ما احقروني
تبين أنتي تجين وتحقريني

إذا نفسي رضت لي بالمذله
أبذبحني قبل لا تذبحيني

مادام أني وفي كوني وفيه
لاني ما أخدعك لا تخدعيني

أنا لي أخذت قدري واحترامي
خذيني مثل ما تبـ تاخذيني

تبين بخوتي سيف(ن) مجرب
وإذا بمروتي ليث بعريني
;
فأن ألفيتني شهما شجاعا
فليس البر أن تستضعفيني
فأني ذقت بالآلام ذرعا
وما في الغدر قمح يتقيني
أكف الدم الحزنا بعد حزن
عشقت القمعا حينا بعد حيني
لعمري كم حيوت الناس قلبا
وما في الناس قلب يحتويني
أنا الحزن الذي لا حزن بعدي
ولا يغني حنين عن حنيني
فلا من كان قبلي كان قبلي
ولا من قد يليني قد يليني
أنا المملوء حزنا وانكسارا
وما فرطت في عرضي وديني
أنا المختال من فخري بفقري
وتبت كل عين تزدريني
أنا من ذاق ملئ الأرض هونا
وما أخضعت للدنيا جبيني
فإن جاءت بي الأقدار يوما
أجوب الأرض خوفا من أنيني
فـ روفي واحفظي لي ماء وجهي
ولاتخشيني واخشي الله فيني
فلو أني رجوت الله شيئا
فأرجوا الله أن لا تظلميني
;
علشان ان عشقت اعشقك كلي
أبيك كلك تجين وتعشقيني

فلا تقفي عيونك عن عيوني
ولا تدفي يديك ألا يديني

أكون أقرب لقلبك من عروقك
وأحسك بين شرياني وبيني

اسامح لج خطاج اليا خطيتي
وأنا لا من خطيت تسامحيني

ولك مني عهد ما أصد عنك
وأبي منك عهد ما تخذليني

عشان أبقى معاك العمر كله
وأشيل محبتك برموش عيني

أنا بحلف يمين أني لصونك
فلا أخونك ولا أرد بيميني

وعساني للهلاك أن خنت
وأنتي عسى الله يلعنك لو تتركيني


تحياتي
بسمه

هذي القصيده لشاعر حامد زيد

في شريطه الجديد

يعني هذي القصيده جديده

كلمات عانقت سماء الابداع
كلهاا شموخ وكبرياء..في منتهى الجمال
صح لسان شاعرها وسلمت يمين ونبض احساس ناقلتها




بـــــــــســــــــــمـــــــه



شكراً من عمق الوجدان على تلك الكلمات.. وجمال الاطروحات
متفرده دائماً بعطائك المتناثر على رحلات الصفحات
دمت بإطلالتك وشخصك المتميز بالابداعات
لا حُرمنا اشراقتك التي عهدناها متميزة على الدوام
والنيٌره بكل مكان
لروحك جنآئن منَ الياسمين والريحان..

يووووه ترى بديت اصدق حالي

يكفيني شهادتك وانا اعتز فيها يا شموخ رجل

فأن ألفيتني شهما شجاعا
فليس البر أن تستضعفيني
فأني ذقت بالآلام ذرعا
وما في الغدر قمح يتقيني
أكف الدم الحزنا بعد حزن
عشقت القمعا حينا بعد حيني
لعمري كم حيوت الناس قلبا
وما في الناس قلب يحتويني
أنا الحزن الذي لا حزن بعدي
ولا يغني حنين عن حنيني
فلا من كان قبلي كان قبلي
ولا من قد يليني قد يليني
أنا المملوء حزنا وانكسارا
وما فرطت في عرضي وديني
أنا المختال من فخري بفقري
وتبت كل عين تزدريني
أنا من ذاق ملئ الأرض هونا
وما أخضعت للدنيا جبيني
فإن جاءت بي الأقدار يوما
أجوب الأرض خوفا من أنيني
فـ روفي واحفظي لي ماء وجهي
ولاتخشيني واخشي الله فيني
فلو أني رجوت الله شيئا
فأرجوا الله أن لا تظلميني
;



اكثر شي احبه هذا المقطع
خصوصا على صوته

هذي القصيده في صوته
بصراحه من احلى قصايد حامد زيد
من وجهت نظري