لاصرت بايعني لشاعر محمد جار الله

لاصرت بايعني اشوفك على خير
مع السلامه دام مابه سلامه

قلت انتهينا قلت لك خير ياطير
ماني باول شخص يخسر غرامه

محذرك من قبلها الف تحذير
لاعفتني بيعيف قلبي هيامه

ماني بميت لا ولا احتاج تبرير
صح الله لسانك ووفر كلامه

بسمعك حبكه وفكره وتصوير
وافهم عدل يامدعي بالفهامه

وجه الشعر ابيض ويحتاج تغيير
ودي تزين هالقصيده علامه

ماضيك الاسود باذكره دون تقصير
كذا يكون بخد هالشعر شامه

يصدق معي تعبير ويخون تعبير
ياضيعة الشاعر بوقت انسجامه

يمكن خطا ادونك بالشعر مير
لو ما احترمتك للغرام احترامه

ماكان حبك غير بس طعنتك غير
علمتني معنى الندم والندامه

ماجاك مني اي زله وتقصير
كل ماخطيت اعاتبك ببتسامه

حسبي على الذكرى اذا هبت اعصير
ماعاد تنفع شرهتي والملامه

البال ضامي وقتها والحزن بير
خسرتك وهمي كسبت اهتمامه

والليل فازعلك كذا جاني امغير
ضلمتني واكثر ضلمني ضلامه

لا اقبل علي اوحيت صوت المسايير
وفزيت كل ضيف(ن) نقوم بمقامه

واليا عزم هاللي ضيقه وتفكير
قلي بربك كيف اقدر انامه

مافيه داعي للعتب والمعاذير
الغدر خال الجرح واطيب عمامه

اما يجيب الله مطر تالي وخير
والا السلامه ماش مامن سلامه

++ للشآعر محمد جار الله السهلي++
تحياتي
بسمه

قصيدة رائعة جدا غاليتي
راقتني جدا ..
صح لسان ناثرها وسلمت انامل ناقلتها

بــــــــSــــــــMـــــــه

حروفي تنحني اجلالا لك وتصرخ معلنتاً الهيام بما رأته من جمال وابداع
فلطرحك عبق خاص يجعلني اثمل به
لا فجر بركانا بين اناملي يتدفق اعجابا بذائقتك
عناقيد من أزهار الربيع لقلبك

يسلموا على الكلام الجميل
كل هذا فيني ترى بديت اشك في حالي يا شموخ رجل Embarassed

سوري يا do you سرقت القصيده منك monkey

يالله خيرها في غيرها Embarassed

ماكان حبك غير بس طعنتك غير
علمتني معنى الندم والندامه

هذا اكثر مقطع عاجبني

تسلم ايدك بسمه ع القصيده

وهذي القصيده بالصوت

» قصيده (اصعب سؤال) لشاعر محمد جار الله
» قصيده لشاعر بدر بن عبد المحسن ليه احس
» اول مشاركه على المسرح لشاعر علي الحارثي