الحظ عوَدني على ... قفلة الباب!

الحظ عوَدني على ... قفلة الباب!

السلام عليكم ورحمة الله وبركاته

.. (( ودك نكون )) ؟..!؟

والله شاعر ! داخلي خافق ٍ ذاب !

....... أدور اللي ...يستحقه .... ويغليه !

تعبت ادور بين الاحباب .. أحباب !

....... تعبت أنادي " ياترى وينهم فيه " !!

الحظ عوّدني على .. قفلة الباب !

....... والعمر يجري بي ولااقدر أجاريه !

قالوا : ولايسوى الأمل حفنة تراب !

.......هو فيه أمل جاني وانا قلت : مابيه !؟

شاعر واعرف الحرف وشلون ينساب

....... واعرف بعد وشلون اهذّب .. معانيه !

عاشق ولااعرف للهوى .. أيّه اسباب !

....... معطيه قلبي قبل لاهو .... يعطيه !

اذا عطيت اعطي ولاأحسب حساب !

....... واعطي بعد روحي إذا .. مايكفّيه !

ياهيه ياللي ماخذك عنّي .. اغياب

....... القلب بعدك ياترى .....وين اوديه !؟

اليّا متى حنّا مع الناس .... أغراب !؟

....... والحب .. يدعينا ولااحد ٍ ....يلبّيه !؟

أسألك باللي حط بك سحر الأهداب

....... واللي رسم في مبسمك سالفة تيه !

ودي نكون بعالم الحب .... أحباب !

....... واليا سألتك (ودك نكون ؟) قل:إيه !

كلمات جميلة

شكرا على اختيارك الرائع

تسلم ايدك
لاتحرمنا جديدك