ياليتني مو سعوديه

السلام عليكم ورحمه الله وبركاته
ابغا ادخل بالموضوع دوغري

احياناا اسمع من البنات جمله
[ياليتني مب سعوديه !!]

طيب ليه فيه ناس يتمون بس ياخذو جنسيه سعوديه وانتي قاعده تتكلمين وتتفلسفين
وياليتني مب سعوديبه ومن الكلام البايخ ذا


انا احس السعوديه اجمل بلد
بلد طاهر بلد قوانينه اللي تحكمه
هي كتابه وسنة رسوله
بلد فيها اطهر اماكن العالم
الحرم الششريف والمسجد النبوي





ليش نمشي ونتكلم بين الناس وانوا السعوديه بلد متخلف !!
بالله وين التخلف ؟؟

عشانا تحميك وتصونك وتبعد عنك التعب
صارت بلد نتخلف
موقف صار معي :

مره كنا برا المملكه جالسين بمطعم انا وبنات عماتي
[واحنا بعبياتنا ونقباتنا لانا متأكدين ان الله مو بس بالسعوديه ]
والطاوله اللي قدامنا بنات سعوديات واضح اصلا الملامح
لكن بدون حتى عبيات وبرمودا و الظهر طالع الخ الخ ..

قاموا بيطلعون وشافتنا وحده قربوا منا قالت وحده منهم
انتم سعوديات
انا : ايوه
وحده منهم: ترانا سعوديات شكلكم ما نتبهتوا
انا جيت بقول الا لان الملامح واضحه
بس ردت بنت عمتي قالت : صح والله مانتبهنا لان اشكال السعوديات مو كذا
انا حسيت البنات انحرجوا
حاولت ارقع بالموضوع قلت تفضلو ا
جلسوا وقمنا نسولف عن البلد وكذا
بنت عمتي قامت تدقهم بالكلام: قالت لي دليدي حببتي شعرك طالع من ورا
انا يوم التفت لها غمزت لي فعرفت انها دقه سويت نفسي ادخل شعري
واحس البنات كل شوي ينحرجون اكثر من كلام بنت عمتي المصونه
المهم قعدنا نسولف
وحده منهم : يوووه احنا ما نصدق متى تخلص المدرسه عشان نسافر
انا:ايه والله تغير جو وكسر روتين
وحده منهم : لا السالفه مو تغير جو بس السعوديه بلد متخلف !!
انا وبنات عماتي النار تطلع من عيونا
بنت عمتي شوي الا تنقز فوقها تصفقها

انا : متخلف !!
هي اكتفت بكلمه : يب
قمنا نتناقش نقاش حاد
انوا وين التخلف اللي تشوفينه
وكلام حاد لدرجه بنت عمتي وقفت وقامت تنافخ
يالله سحبناها ورحنا وتركناهم

طيب اللي عرفته من النقاش ان التخلف بنظرها كان بكم نقطه بستلمها لكم

1\ السعوديه البلد الوحيداللي ما يسمح للبنت تسوق
2\تجبرنا نلبس عبايه وحجاب مع الغطاء على الوجه طبعا
3\ماتسمح للمراه تشتغل ببعض من المجلات
4\ كل شي لازم محرم معك

طيب سواقه البنت
الحين انتي تتحملين
تطلعين بالحر وتسوقين وتنتبهين لطريق
وماتحركي عينك عنه
بالعكس والله اجلسي وحطي رجل على رجل
وتتفرجي وكل شوي غيري جلستك
ليش نجيب لنفسنا التعب
طيب مثلا طلعتي بسيارتك ووقفت سياره شباب قدامك
وحجروك عجزتي تتحركين وقربوا منك اكيد بيأذونك
بس لو معك رجال هو يسوق صدقيني محد بيحاول يوقف طريقك


وبعدين خوذي منطقي [احنا ملكات وعمركم شفتوا ملكات يسوقون]


ثاني نقطه العبايه
لهذي الدرجه كارهينا يعني
والله يصعب علي اذا طلعت بلد غير مسلم
اشوف البنت من ام واب مسيحين
وبلد مسيحي والبنت مسلمه و لابسه خمار ومغطيه وجهها
ولا عندنا ام اب ومجتمع اسلامي وتجيك البنت استغفر الله شكلها

بالعكس بالعبايه والحجاب تحمي نفسك
وانتي خوذي هذا المثال معاي
الحين الالماس مو يحطونه بعلبه ويحفضوه فيها
ومو اي احد يقدر يلمسها او يشوفها
والاحجار الباقيه عادي تنحط بأي مكان مكشوفه
انتي تخيلي نفسك الماس محفوضه
محميه مو اي احد يشوفها
ولا يلمسها

وحده من البنات تقول حر !!
طيب تعرفي ان نار جهنم احر ~

الاستدلال بقوله تعالى : ( وَلْيَضْرِبْنَ بِخُمُرِهِنَّ عَلَى جُيُوبِهِنَّ )



ثالث نقطه
الشغل
طيب الحين انتي خوذيها من منطق
انك كـ انثى مب كــ بنت سعوديه
الحين الانثى تتحمل يكون اغلب يومها شغل بشغل
وتطلع تناوب باليل وتروح وتسافر لحالها
وشغل بالبيت والمكتب
مو تحسونه تعب
كذا مجتمعنا سهل لنا اشياء كثيره
الشغل الصعب والمتعب للذكور
اما الشغل الحلو واللطيف للانثى




رابع نقطه
سالفه المحرم
انا بنفسي ابوي يقولي روحي لحالك
اقوم اصيح عنده لحالي ما اطلع
اكبر هيبه لك
لما تمشي معك رجل
يحميك
وصدقوني بس يمشي معك رجال
محد يحاول حتى يرمي كلمه عليك اورقم
تمشي بثقه


طيب ممكن شرحي لها كان بسيط جدا
بس اتمنى انه دخل قلوبكم
ونعرف ان السعوديه اطهر بلد

وانا عن نفسي اكون فخوره جدا اذا احد سالني
انتي من وين
اقول له من السعوديه
احس لي هيبه







اتمنى يعجبكم استفدت وحبيت افيدكم

يالله يا هووووووووووو

انتظر ردودكم

يالبيه ياالسعوديه كل مافيه حلووو
وبنسبه الموضوعك نايس ومقنع وهذا الكلام صح
نحنا (ملكات في سعوديه)
فديتك

الله ياعافيك يا لدلوعه

احلى مرور والله

البنات 00 ماتوصفهم صـفــات
دونهم حرب وممات 00 والشرف الله اكبر
يابنات اهل القصيم 00 يابعد ذاك النسيــــم
فيكم الطبع القديم 00 والجمال الله اكـبــــر
يابنات اهل الحجاز 00 دونكم نار وقــــاز
من ظفر فيكم وفاز 00 الحظيظ الله اكبر
يابنات اهل الجنوب 00 الفخز عز وثوب
تلبسونه فكل صوب 00عزكم الله اكبـــر
يابنات اهل الشمال 00 وصفكم صعب ومحال
بنتكم عز الرجال 00 والكرم الله اكبــر
ويابنات ذيك الديار00 اسمها الشرقيه صار
احلي شي باختصار00 والفخر الله اكبر
ويابنات نجد ونجدي 00اصلكم عزي ومجدي
عندكم قلبي ووجدي 00 والسنع الله اكبر
لاتلوموني في بلادي 00 حبها ساكن فوادي
ودام الموذن ينادي 00 للصلاه الله اكبر
ارضنا ارض الكرامه 00 وكل هاوي هي غرامه
ماتبي عيال الرخامه 00 الخلا الله اكبر
بين جده والمدينه 00 وبكل قريه وكل مدينه
شايب رافع يدينه 00 قائلن الله اكبر
بحمي بيتي وبحمي عرضي 00 ايه اموت وتحيا ارضي
ولين صلي الناس فرضي 00 ابتدوا بالله اكبر
افتخر اني سعودي 00 وارضي بانيها جدودي
ريحها ارضي وعودي 00 وعابدين الله اكبر
لاتلوموني فهواها 00 عاشق ارضي وسماها
والدمار للي نواها 00 الدمار الله اكبر

اقل شيء نقدر نقدمه لبنات السعوديه

ييعطيك العافيه يا ادمنت حبك

عاد توقعتك راح تنتقدني
الله يعيطك العافيه

احلى مرور نورت مشاركتي