قصيده معقوله تجي منك

قصيدة معقولة تجي منك وترميني لأي إنسان للشاعر سالم سيار




قصيدة مو معقولة تجي منك .. { دعوة الغفران } ..



للشاعر سالم سيّار العنزي ..


القصيدة تحكي عن نفسها




مو معقوله تجي منـك وترمينـي لأي انسـان.:.يلملمنـي ولا يلقـى بعيونـي غيـر دمعاتـي
أنا ماصدق انك انـت تنهينـي مـن الوجـدان.:.وترميني وانا اشوف القبـر نـادى مسافاتـي
وكسرني الشتاء ياوليد وانـت بداخلـي دفيـان.:.تحملت الاسى والظيـم عشانـك يابعـد ذاتـي
وصحى بي البرد واللاهوب وانت بداخلي غفيان.:.تحملت السنين وقلت علـى الله تلملـم شتاتـي
انا امك ياهيه امـك حملتـك والعـذاب الـوان.:.ولدتك والالـم سكيـن يركـز داخـل لهاتـي
وانا اثناء الولاده من بكى صوتك طعنت أحزان.:.لاني شفتك بصوتك تنـادي كـل طموحاتـي
ومهدتك فعين وعين يشـرب حزنهـا القـران.:.وهزيتك وكان النـور يتهزهـز مـن دعاتـي
أضمك في يديني لاتجي وتقـول أنـا بـردان.:.تركت البرد لضلوعي رح انشد رعشة شفاتـي
وزولك من ركض فيني لمست بداخلي أوطـان.:.وتركتك تبني بمجدك على كتـف انكساراتـي
وتذكر يوم مدرستك صدى وكفوفنـا الحرمـان.:.وكانت رنته من فلـس خنقتـه لـك بشيلاتـي
كبرت وصرت بعيوني شجاعن و أشهم الفرسان.:.وحلفت اني على عرسك لارقص كل شيباتـي
أسولف للبشر عنك اقول ولا بـه أي نقصـان.:.رضع عز الشهامه شب طموحه فـي معاناتـي
وله شان الصقر لأ لا اخذ منه الصقر له شـان.:.يجي مثل الوضوء لاطب حنينه فوق راحاتـي
يقولون الولد هو خان اقول وليـدي لا ماخـان.:.وهم يدرون ماغطـى منامـي غيـر وناتـي
افاآأإ وشلون تتركني يكحلني عمـى النسيـان.:.وانت أدرى فـِ يوم الحشر جنه تحـت خطواتـي
لك الله مانطق صوتي لك الا بدعـوة الغفـران.:.ولكن خوفي من حزني ومن دعـوات عبراتـي
تدين اليوم ياوليـدي وباكـر للاسـف تنـدان.:.ويرمونك مثـل { أمّـك } وتذكـر حلـم شيباتـي




تحياتي
بسمه

وانا اقول لاي شخص يفكر انه يزعلني

معقوله تجي منك؟؟؟؟

ياربي تعجبكم القصيده