(((حصررررررياًاًاًاً في السعووووووووووووووديه )))

السلام عليكم ورحمة الله وبركاته


ككككككككل شي يصير بالسعوديه
::





- دائماً مسرعين وماوراهم ولاااااا شي



-لازم مضاربه بين الاخوووان على الريموووت من مسكه اول من يبي يشوف اول خخخخخخخخخخ

-لازم هوشه في اي لعبه جماعيه سواء كانت " كيرم " الى " بلوت " مروراً بـ " اتاري "


-شي لازم يمر بطفولة كل بزر .. انت مب ولدنا لاقينك بالشارع << تعقيد خخخخخخخخخخخ

- ألام السعودية اذا ضاع ولدها تبكي .. وإذا لقته طقققققته هع


-لازم تنكسر صينية ولا كاسة شاهي بالبيت اذا فيه ضيووف هع


-كل الحريم عيالهم ما يآكلون ، حتى سمين:مسيكين وليدي مهوب يآكل أبدددد


-كل الهنود و الاجانب اسمهم محمد خخخخخخ<<<لاتعلييييق

- النت مايحلى عندهم الا وقت الاختبارات والنوم خخخخخخ


-الحريم اذا اتصلوا على الرجال اول كلمه تكون : وينك؟ الرد دايم : قريب


-اي طالب سعودي "ما يداوم اول يوم بعد اي إجازة" او "اخر يوم قبل الاجازة" ماتفرق إجازة الصيف ولا إجازة خمس ايام غايب غايب <<<من ابسسط حقوقه يعطي نفسسه اجازه قبل العالم



-في كل بيت لازم مجلس للحريم ومجلس للرجال ويشوهون مخطط البيت ومع كذا مايجيهم احد””من جد خخخخخخ
-أم توصي عيالها : اذا سألوكم اي شيء قولو مدري


- الطلاب ما يذاكرون للاختبار إلا ليلة الاختبار وينجحون بأمتياز”هذا الشي حير علماء العالم هههههههه هذي من جدا مالههههها حل ابدا

-الأم تعاتب ولدها : حرام عليك ليش طقيت أخوك الصغير وبكيته ؟؟ ... الولد : "هو اللي بادي

-الولد مع اهله مايدفع ريال ومع اصحابه يحلف عليك ماتدفع ريال << اووووم النظام بسس


-في البلاك بيري" طول الوقت بره واكل تايم ..ووكوفي تايم ..ومول تايم ..والي يسمع يقول بلندن,,من زين الاماكن


-فشلتونا :كلمة يقولها الولد لأهله إذا جاء يمشيهم > هههههههههههههه


-الدولاب فيه مليون لبس و اذا جت عزيمه "ماعندي شيء البسه’ ياربيه وش البس’ بروح السوق ادور اخاف ما القى , ياربيييه ليتهم ماعزمونا "هذي مشكلة البنت ماعندي ودولابها ملييان بينفجر ملابس
-الكبار يمسكون البزر ويحجرون له : من تحب اكثر امك ولا ابوك؟ ~> إلـآآ الان السسؤآآل مسستمر ماتو اللي يسون كذا


- ما يعرفون يطلبون بالكوفي إلا : "كبتشينو" وبعد إدمان للكافيهات .. صار يعرف : موكا

- يستخدمون كأسات الجبنه للشرب<<<لاتعللليق


-لازم ماتقول انك بخير ومبسوط .. ضروري ضروري تكون تعبان ومهموم ومديون او ماتكون انسان


-آكل الـ " آيس كريم " بشويش علشان اخوي يخلص الآيس كريم حقه قبلي و اقهره خخخخخخخخخخ يؤ زماان

- في عز الفرحة "مناسبه سعيدة، عيد، سفر،مجتمعين على الغداء ..الخ"، تلقى الام تهاوش بناتها و الولد يضرب اخواته خخ

- سوالف البنات بعد البارتي=الحفله>>>>انا اكشخ وحده-وانا احلى وحده-ويوم مريت كلهم ناظروني<حركات الشعور بالنقص ودك تلفعينها وهي تسولف كل وحده تعطي الثانيه من الرررخيص<<<
-انخطبتي؟ اصص لا تعلمين احد !! نجحت بممتاز؟ اصص لا يدرون عنك! وكله عشان لا يطقونها عين



-لا تسلمين خليها هي تسلم .. ويخلص العرس وماسلموا على بعض >خخخ

-وكل الفلان خياله عليهم رزة الراية يا زين خالد بينهم ﯙ فيصل لا تخلونه -في كل زواج يغنونها والرقص عليها حدث ولا حرج خخخخ

-اذا بيعرفون الولد الصغير يحب اخته المولوده ولا يغار يقولون له بنأأأأأخذ اختتتك يالله هاتوا ملابسها


-إذا بتتزوج ماتعلم إذا حامل ماتعلم إذا بتسافر ماتعلم إذا مرضت ماتعلم إذا نجحت ماتعلم إذا سقطت ماتعلم

-سلام الجدات:هلا وشلونكم وشخباركم وعساكم بخير وشلون عوالكم وشلونكم و شلون شايبكم وشلونكم و شخباركم وعساكم طيبين وشخباركم وكل ذا في 30 ثانيه هع

-البنت ترجع من مناسبه ركض لآمها/ فيني ضيقه شفت نوير تطالع فيني ولا ذيك مدحتني ماقالت ماشا الله > آعع مافي الا انتي بالعرس<<<مع نفسسسسك بقووه والله

-كل مارجعت من حفلة زواج. قالت لزوجها: تصدق ؟؟ خطبوني حرمتين اليوم ع بالهم صغيرة ماتزوجت~> الله يالخراط
-عند كل سوق لازم تلقى مجموعه شباب يبون يدخلون وهم يدرون أنه عوائل ههههه

- سعودي يسأل عامل اجنبي ... انتا مسلم؟ مين كفيل؟ وين شغل؟ كم سالاري؟ امممممم ايش اسم انتا يا محمد

- الام كل ماشافت عيالها عند اللاب توب او معاهم البلاك بيري او الايفون/ تدعي ع اللي صنعهم

-حالة طوارئ يوميا الساعه السابعه صباحا
- العيله اللي عندها سواق تودي كل بزر للمدرسة لوحده ! ><

-مواضيع البنات في المدرسه:ياشين ذالابله حاقده علي.شفتي شنطة ذيك ظنك تقليد؟.يوه نسيت فسحتي معك ريال؟.ودي انحف قبل الصيف.بجلس جنبك تغششيني ؟.ترا فيه تفتيش

-بعد مباراة النصــــــــــر و الهلال بنات المتوسط هوآش و يمعطن شعورهم خخخخخخخخخخخ


-إمك وابوك من عرفتهم وهم الأوائل في كل دراستهم وأنت اللي ما طلعت عليهم<<وهم كذبه تحصلو الاب اول ثانوي وطالع منها بتقدير جيد منخفض بعد..والام مانقول شي بالغلبيه يجون دارسين ومعها ثانويه والنهايه البيت

-بناتنا معقدين من " اذا تزوجتي " سوي اللي تبين !!<<طفشو من الكلمه ذي
-اول ما تتعلم السواقة و تطلع امك معاك،واحد مسوي حادث:انتبه.. واحد سقط عليك:انتبه.. واحد ماخذ يوتيرن:انتبه.. واحد جنبك:انتبه
لوووووووووووول

-اذا طلع البر صار عربجي وراعي هياط واذا راح البحر صار كوول” هذا اسمه التكيف مع البيئه ههههههههه<<< اتعب انا

-رمضان حزة اذان المغرب:اذن؟ لا ما اذن؟ الا كني سمعته! اطلع شف اذن ولا لا؟ اسئلو بالبلاك بيري اذن؟ طيب حطو القناة الاولى نشوف

-نفتح الثلاجه واحنا شبعانين ونفتح الثلاجه واحنا جوعانين كلها بداعي الفضول لا اكثر

- اذا خلصت بطارية الريموت يجلس يعضه ويعضه ويركبه ويشتغل الريموت ويحس انه سوا انجاز

-الرجل السعودي : يلا انا عند الباب اطلعي وهو باقي له ربع ساعه ياصل البيت << مايتحملون الانتظار
~> حتتـآ السسوآآقين سسـآآرو زيييهم

-مواصفات زوجة المستقبل عند اي سعودي .. طويلة وبيضا وشعرها طويل .. في الاخير يتجوز العكس هههههه
-اي ولد يعطيها وجه صار يحبها.. واي بنت تعطيه وجه صار احسن واحد عند اخوياه .. والله يالسعوديين فاهمين الحب غلط >من جد <<تاثير المسلسلات التركيه
الرجل السعودي مخلوق نفسيه !.. لايتزوج حبيبته ولا يحب زوجته .. من تبي مثلا ؟!<<

-البنت والرجال قبل الزواج عيدان واغصان لبان وبعد الزواج اللهم يا كافي من السمنه

-اذا صرت انسان مواصل ودايم تسأل صرت انسان نشبه ! واذا سحبت عليهم قالو وينك ماتنشاف! فبالتالي مافيه حل عشان تتواصلون !

-توصي العالم كلهم يذكرونك بشي و ينسون هم ومايذكر الا انت .... خخخخخخ
-الام تشتري حلاو و توزيه عن عيالها ... لين تنتهي صلاحيته خخخ بطنييييييييييي
-كل الطلاب اللي درجاتهم ضعيفه او عايدين السنه ..بينهم عذر مشترك ..وهو ان المدرس حاقد عليهم هههههه

- الأم : يا وليدي ارجع للبيت بسرعه بس ( لا تسرع ) << هههههههههه تصيير

-جدران حارات السعوديين " A+N = قلب و فيه سهم و الحب عذااااااب "<< قديمين مابطلوها واللهحححح

-الحريم يقضون 9 ساعات بصوالين المكياج وساعتين بالزواج > هههههههههههههههههههههههه

-تحضر لزواجها قبلها بسنه وتعمل اغلى فستان وتتعب على المكياج والشعر واخرتها جالسه في الكوشه والشي الوحيد الي تسويه توقف عشان تسلم لوووووووووول
-البنت عند شلتها: انا ولد خالتي ووالد عمتي وولد الجيران كلههم يحبوني ~ وبالاصل كل الي قالتهم ماطقولها خبر ويمكن مضيعين اسمهاا<<<خخخخخخخخخخخخخ لاتعليق ايضا
- عنددك واسطه ! تدخل جامعه مستشفى حكومي وزارات ! ما عندك شي ؟ اجل في بيتكم
- يمر لمحل وجبات سريعة .. والطلب: همبرجر تريبل .. اكسترا شيز .. مايونيز وعشان الرجيم : الببسي دايت (امحق رجيم)


-شعب يعرف عن كل شئ وله تجارب في كل شئ لو سألت احدهم حتى لو مايعرف عيب في حقة يقول ما اعرف<<<غرريب جدا

-السؤال اللي مابطّلوه إذا شافوا ولد في عزيمة .. تدرس ؟؟ سنة كم ؟؟ ماشاء الله نجحت ؟؟
-اذا معانا مشروب او حلاو و نشب فينا بزر نقول " هذا دوا يابابا دوا<<<تصريفه قدييمه صارو يعرفونها البزران يقولون دوا وانت/ي مافيك شي هههههههه
- مريحين يدينا و نستخدم اصبع الرجل الكبير عشان نطفي التوصيله/السوني/الاكس بوكس/الرسيفر/واذا فيه لياقه نطفي التلفزيون بعد<<<من جد هذي لاتعلييييق بقوووه

-تلاقي المتسوق عند الكاشير يحتج و يشتم فيهم لأن الأسعار عالية و بالأخير يطلع الفلوس من جيبه و يعطيه للكاشير
-الزوجه لازم تكون ام وطباخه ومربيه وكهربائيه وممكن سباك اما الرجال يدوام وكثر الله خيره

-مستحيل تأخذ سندويتش للمدرسة عشان ما يقولون عنك مصري
~> هههههههههه
- أكبر بنت وولد على اسم الجد والجدة """"بنتهم الكبيرة لطيفة باسم جدتها.. والثانية ميار<<اسم اجنبي ياحضها
راحت فيها لطيفه والولد الكبير مشبب.. والثاني تحصلونه راكان ولا فادي خخخخخخ وين ياعمي ماتجي<

-نتواعد نطلع 6 وتصير الساعه 8 ولسى ماطلعنا<<<نو الاتزام بالمواعيييد
-يحبون ياكلون مفاطيح بس يحرصون على ان الببسي يكون دايت
-اذا بيقومون شخص ، يطفون المكيف يفتحون اللمبات يشيلون الفراش خخخخخخخ واحياناً يرشون الوجه مويه<<<يلعن ام النظااام المعقد
-البنت السعودية الصغيرة ما تطفش من لعبة "الحريم"و تمثل دور البنت الكبيرة المتزوجة اللي تسافر و تروح للسوق مع السواق :

-الأمهات يخرشن البنات ليش ماتدخلين المطبخ مثل فلانه ولما تجي البنت بتدخل المطبخ تطرده أمه «~
-جميع الأمراض والمصائب وتغير المزاج بسبب العين
-اذا جلست مع وحده وماعندكم سالفه نسولف فيها تنط بوجهي: نحفتي كثيير وبعدها ب5 دقايق تجي وحده ثانيه تقول: ماشاءالله سمنانه<<< وين تلعبون علىا بعض
-الشعب الوحيد اللي ياخذ اي شيء بسعة صدر ووفله و تنكيت<<<وش نسوي شعب ظريف
- الصغار ما يحبون يسلمون عالضيوف الا بالقوه .. وبالعيد ما يخلون احد ما يسلمون عليه عشان العيديه
-تسافر لبيت جدك و يستقبلوك من ٨ الى ١٠ بزارين ولا تدري من ذولي يطلعون عيال عمامك كلهم بنفس العمر وجو للحياه فجاه تقال شارينهم خخخخخخخخ
-البنت تقول: ننتظر الأخ المبجل لين يطلع من مدرسته أكثر من ربع ساعة ! ولو ينتظرنا هو و السواق 5 دقايق قوم الدنيا ولا قعدها
-أشهر جملة عند البنت السعودية : مشكلتي مررره مزاجية-<< بالله عليييك صدق
-الام تدلع ولدها والبنت مسحوب على خيرها




اذا كنت تحس ان كل الي ينكتب هنا يصير بحياتك



7


7



7



7



7



7

7




فـمبروووووك انت سعودي

تقبلووووووووو احترامي

:::::::::::::::::::::

الام تدلع ولدها والبنت مسحوب على خيرها


ايه والله انك صادقه

الاب دايما مع البنت ولام ديما مع الولد


بس اهم شي الاقوى الي هو الاب

يعيطك العافيه تقبلي مروري

الله يعاافيكي على المرور ::::

الدولاب فيه مليون لبس و اذا جت عزيمه "ماعندي شيء البسه’ ياربيه وش البس’ بروح السوق ادور اخاف ما القى , ياربيييه ليتهم ماعزمونا "هذي مشكلة البنت ماعندي ودولابها ملييان بينفجر ملابس

الله يبارك فيك سعوديه بس
(مافي ختم اني سعوديه)