ودي اموت اليوم ..واعيش باكر واشوف منهو بعد موتي فقدني

ودي اموت اليوم .. وأعيش باكر .. وأشوف منهو .. بعد موتي فقدني


ودِّي أمُـوتْ .. اليُـوم ... وأعيـش باكـر
وأشوفْ مِنْهـو .. بعـد مُوتـي فقدنـي ..!


ومِنْهو حَمَلْني لِيـن .. ذِيـكْ .. " المقابـر"
وأشْكـرْ أنـا .. كِـل مِـنْ كَرَمْنـي ودِفنِّـي


وبشُوفْ .. يرثيني أنـا كَـمْ [ شاعـر ] ..؟
ومِنْهو تركْنـي .. ومـا كِتَـب شَـي عنِّـي


شِخصٍ تعنَّـى لـي .. مـع إنـه .. مسافـر
وشِخـصٍ قِريـبٍ .. وآنـا مَيِّـت / طعنِّـي


وشِخصٍ يمثِّل دمعِتَـه .. مـا هـو قـادر !
وشِخصٍ تِطيـح دموعـه كِـلْ مـا ذكرنـي


ومِنْهو مِـنْ أهلـي ف العَـزا كـان حاضـر
ومِنْهو دعى لي فـي " صلاتـه " ورحمنـي


ومِنْهـو بنـى [ بإسمـي ] سبيـل ومنابـر
ومِنْهـو يفـز قلبـه .. إلا مِــنْ لمحـنـي


ومِنْهو عشانـي : طُـول الأيـام ساهـر ..!
ومِنْهـو ثـلاث أيَّـام .. راح وتركنـي ..؟


ومِنْهـو يرتِّـب .. غرفتـي .. / والدفاتـر
وإن شاف ( صوره ) لـي صاح وحضنِّـي


يالله عسـى .. مـا تغفـى كـل المشاعـر
ويالله عسـى .. مـا ينصِـدِم يُـوم ظـنِّـي


خايـف يـروح العُمْـر .. وأكُـونْ خاسـر
وإن طـار طيـري .. مـا يفيـد / التمنِّـي


وخايـف يجينـي وقـت : أكْسِـر خواطـر
إن دارت الدنـيـا .. وزمـانـي كسـرنـي


ومـدام هـذي الدنيـا .. صـارت مظاهـر
وكِـلْ مَـنْ علـى كيفـه .. وجَـوَّه يغنـي


الضيـق وافـي .. والحـزن حيـل وافــر
والجـرح أكثـر شـي .. شفتـه يحبـنـي


عايـش وميِّـت بيـن .. ماضـي وحاضـر
والصبـر [ مفتـاح الفـرج ] ضـاع منِّـي


قل وش تبـي وتتركنـي يـا حزنـي آمـر
مسكيـن فرحـي / تصـدِّق إنَّ وحشنـي !!


( شاعـر ) ولكنِّـي .. مانـي ب شـاعـر
ودِّي أمـوت اليـوم .... وأرتـاح منِّـي !!

تحياتي
بسمه

ياربي يعجبكم

مشكور مشكور يا شموخ رجل

احلى توبك خلاص انا قرارت احطها توبك لي
علشانك

بس بسم الله عليك ان شاءالله عمرك طويل

انا كنت حطته توبيك لي بس الكل زعل مني
وبعدين غيرته بس حلوه تعجبني

ههههههههه

ليه يزعلون؟؟

ذكرتيني في حالي اول ماازعل من شي او اتضايق من شي
على طول ادعي على حالي

احلى مرور الدلوعه

والله ودي اشوف من هو بيبكي اذا مت ومن النصاب اللي ماراح يبكي اه بس لو ادري من هو اللي ما بيبكي وبس فالح يجي ياكل ثلاث ايام ويعبي بطنه ويقول الله يرحمه وينساني اه يالقهر


تحياتي

والله ودي اشوف من هو بيبكي اذا مت ومن النصاب اللي ماراح يبكي اه بس لو ادري من هو اللي ما بيبكي وبس فالح يجي ياكل ثلاث ايام ويعبي بطنه ويقول الله يرحمه وينساني اه يالقهر















خخخخخخخخخخخخخخخخخخخ

بسم الله عليك يا دمنت حبك عسى عمرك طويل



يعيطك العافيه على التعليق الي يهبل

احلى مرور نورت موضوعي