قصيده اخذيني للشاعر المبدع سعد علوش

اخذيني
اخذيني اليا عجبتك بس رديني وان ما عجبتك خلاص اخذيني مابيني
ما دامني شفت فيك الطهر و العفة باعيف نفسي ليا منك كرهتيني
اخذيني لو أعتبر من ضمن أشيائك وأنا باحبك و لا لازم تحبيني
لابي علاقة و لابي نظرة و بسمه احساسي اني بقربك بس يكفيني
ولو اني انضفت لاشيائك غصب عنك طلّي علي يا غناتي لا تخليني
تراي لا جا المصامد ماني بهيّن تقول كن العرب لعبة بيدّيني
شخصيّتي من غرابتها و طيبتها كن الزمن في تحدّي بينه و بيني
اخذيني الشاعر اللي ما صدق حظه لا قلت يا حظ وينك قال يا ويني
اخذيني المبدع المتفلسف التحفه مؤمن و تضحك على العالم شياطيني
شهرة شكسبير و أفلاطون و نيوتن لا قلت لي بيت شعر تطيح من عيني
اخذيني العنصري اللي صدق متعنصرمن دون ربعي لو أقطّع شراييني
اخذيني اللي ليا منه طلب يعطى وتكفين لا من طلبتك لا ترديني
تكفين يا غايتي يا بهجة الدنيا اباحرق قلوب ناسٍ ما تدانيني
اخذيني بكل شوق و قولي أحبّه وان شكّكوا فيك والا فيّ ضميني
قولي سعد و الله انه غالي جدا وياجعل فدوه شبابي و آخر سنيني
وأنا باصدق كلامك و اعتنز بالله وباقول للناس ما يعنيك يعنيني
وأنا علي نذر ما أرخص جيتك و أنتي نذرٍ على رقبتك إنك ما تخليني



اتمنى انها اعجبتكم
تحياتي
بسمه

وهذي القصيده بصوت الشاعر
ياربي تعجبكم

اخذيني اليا عجبتك بس رديني وان ما عجبتك خلاص اخذيني مابيني
ما دامني شفت فيك الطهر و العفة باعيف نفسي ليا منك كرهتيني



الله يا هالقصيده وربي احبها موت تسلم ايدك بسمه

ويسلمك يارب

احلى مرور والله